Jy's hier: Tuis > Ander uitbeeldings > Planne & Diagramme

Informasie-ontwerp: Eiendomsplanne

Kliënt: Rode & Genote Eiendomsnavorsers

Ja, ons ontwerp selfs diagramme en straatkaarte. Dis baie netjieser en makliker om te lees as jou tipiese gefotokopieerde kaart of handgetekende diagram. Konrad het 'n obsessiewe persoonlikheid, en dit beteken hy geniet eintlik hierdie tipe werk.

Die bouplanne aan die regterkant was deel van 'n reeks van 'n paar honderd eiendomswaardasie-kaarte wat Rode & Genote gebruik het in 'n voorlegging aan 'n kliënt.

Wanneer ons voorleggings stileer, maak ons seker dat ons kliënt onderskei word van die gewone ou. In die mededingende wêreld van handel moet mens 'n goeie indruk laat om te voorkom dat jou maatskappy verdwyn in die bodemlose put van "net nog 'n besigheid" (gaaaap!).

Verwant: Padkaart-ontwerpe

Informasie-ontwerp: Diagramme

Kliënt: The Shuttleworth Foundation

Mark Shuttleworth* se stigting het 'n ywerige belangstelling om die gebruik van Oopbron sagteware ("OSS", vir "Open Source Software") – die term wat sagteware te beskryf wat nie kopiereg het nie, maar instede daarvan 'n gesamentlike poging deur vrywilligers rondom die wêreld is, wat graag die mensdom se lewensstandaard wil verhoog deur geen geld te vra vir sulke produkte nie. Dit help veral Derde Wêreld lande, en is gratis.

Seker die mees bekende Oopbron** produkte is die UNIX-verwante Linux rekenaarbestuurstelsel ("operating system", of "OS") en Firefox, die alternatief vir Microsoft se Internet Explorer.

Konrad is deur Riaan Bredenkamp van The Shuttleworth Foundation gevra om informasiegrafika te skep vir hulle Linux tutoriale vir die TSF webtuiste - om diagramme te teken, so eenvoudig soos dit. Selfs die lêerformaat van die diagramme moes Oopbron wees - in hierdie geval, PNG's pleks van GIF's, wat wel in sommige lande kopiereg het.

Die enigste kleinerige uitdaging was om die diagramme op só 'n manier te skep dat die finale PNG's bitterklein sou wees (lêergrootte, nie mates nie) vir ons pynlik-stadige internet hier in Suid-Afrika, m.a.w. geen komplekse grafika of gradiënte nie, en relatief monochroom.

Volle grootte voorbeelde hier >
(Natuurlik, wat jy sal sien is 'n GIF lêer, want PNG's kan nie animasies wys nie - dis 'n twee-raam skyfievertoning)

Meer voorbeelde van vektor-illustrasies:

• Tegniese illustrasies vir handleidings
• Simbole vir eiendomstipes
• Padkaarte

 

* Mark Shuttleworth

Hy's nogal 'n legende hier in Suid-Afrika. Hy het 'n ryk man geword toe hy die sekuriteit-sagteware wat sy maatskappy ontwikkel het, verkoop het.

Hy belê toe heelwat van die geld in sy wetenskapsopvoeding-projekte wat deels gemik is om benadeelde mense in Suid-Afrika op te hef, sowel as om 'n drukgroep te vorm om die SA regering en handelswêreld te oortuig om oor te skakel na Oopbron sagteware. Regerings in lande soos Brasilië en Duitsland het dit reeds gedoen. (En ja, Shuttleworth was al in die ruimte, man...)

Een van TSF se mees bekende projekte is Ubuntu, wat nou die mees gewilde weergawe van die Linux bestuurstelsel ter wêreld is, en ook 'n wonderlike alternatief is vir Microsoft Windows.

... en dit was ómtrent 'n mondvol gewees. Waar was ons nou weer? O ja.

Ikoon-ontwerp / logo-ontwerp vir ons eie gebruik

		Kontak Konrad by of by 082 44 66 526 tydens werksure.

E-pos hierdie blad

Gaan na ons nuwe webtuistes:
Spotprentkunstenaar en karikaturis >
Logo & grafiese ontwerper >

LOGO'S ENS. | BROSJURES | ADVERTENSIES |E-POS | WEBTUISTES
ILLUSTRASIES | KARIKATURE | SPOTPRENTE | ANDER UITBEELDINGS