Jy's hier: Tuis > Ander uitbeeldings > Ikoon-ontwerp

Ikoon-ontwerp/ logo-ontwerp

Kliënt: Ons

Ons eie logo. So hoekom noem ons dit 'n ikoon-ontwerp? Die logo is oorspronklik vir die klein grootte ontwerp wat jy hierbo sien, so ons moes bietjie "pixel-pushing" doen sodat die lyne steeds duidelik lyk. Heelonder aan hierdie blad kan jy die kleinste grootte (48 piksels) sien waarvoor dit bedoel is.

So, wat's die verskil dan nou eintlik - groot of klein? Wanneer mens vir vertoning op rekenaarmonitors ontwerp, gebeur pikselering, m.a.w. sommige elemente word vervaag of verdwyn sommer wanneer hulle te klein word. As jy hierbo kyk na die logo, sal jy sien dat die loodpunt van die potlood deur slegs ±5 piksels beskryf word. As mens net die logo verklein het na daardie grootte toe, sou die loodpunt onherkenbaar word.

So, nes met alle logo ontwerpe, moet mens seker maak dat dit só eenvoudig as moontlik gehou word, m.a.w. geen komplekse elemente nie, en alle elemente moet redelik groot wees in proporsie met mekaar.

Sien die volle grootte logo >

Sien hieronder vir 'n verwante projek wat ons 'n hele ruk gelede gedoen het.

Rekenaarikoon-ontwerp

Kliënt: Thales Telematics Engineering

Franse maatskappy Telematics het ons genader om 'n stel rekenaarikone te ontwerp wat hulle verskeie rekenaarprogramme vir die Fleet Management System pakket sou voorstel.

Die FMS pakket is 'n sagtewarestelsel wat maatskappymotors en ander voertuie help bestuur (nie fisies nie), insluitend opsporings-stelsels. Die sagteware word in Frankryk, Suid-Afrika en Sjina verkoop, en hulle pre-Windows XP* 8-bit ikone moes heeltemal oorgedoen word.

Aangesien dit vir 'n internasionale mark bedoel is wat verskillende kulture en selfs alfabette insluit, het dit uiteraard sekere beperkings gehad, soos bv. dat ons nie enige letters van die Westerse alfabet in die ikone kon gebruik nie.

Konrad wou nog altyd só 'n projek beet kry. Ikoon-ontwerp is 'n gespesialiseerde gebied en mens het ondervinding in "pixel-pushing" nodig. Konrad het tog nie weer só 'n projek aangepak nie

Noudat Windows uiteindelik – 7 jaar later – met Apple se Mac OS X 48-bit ikone ingehaal het, is Konrad weer geïntereseerd daarin om só 'n taak te verrig. 48-Bit ikone het minder beperkings en is aansienlik minder lelik as daardie ouderwetse ikone van pre-XP dae.

Hier's die ikoon-ontwerpe > (onthou net, ons gaan nou terug na die vroeë 2000's, nê? )

Logo-ontwerp

		Kontak Konrad by of by 082 44 66 526 tydens werksure.

E-pos hierdie blad

Gaan na ons nuwe webtuistes:
Spotprentkunstenaar en karikaturis >
Logo & grafiese ontwerper >

LOGO'S ENS. | BROSJURES | ADVERTENSIES |E-POS | WEBTUISTES
ILLUSTRASIES | KARIKATURE | SPOTPRENTE | ANDER UITBEELDINGS