My praktiese benadering met ontwerp dien my kliënte en hulle onderskeie markte pleks van my ego. Dis iets wat goeie ontwerpers eers leer soos hulle ouer word.
Kopiereg
My ontwerpe behoort aan my kliënte – hulle't tog daarvoor betaal, of hoe? Baie ontwerp-ateljees glo graag hulle besit die kunswerk, sodat wanneer hulle 'n kliënt verloor, hulle óf weier om die oorspronklike ontwerpe te oorhandig, óf hulle slegs lae resolusie weergawes oorhandig.
Sodra 'n projek klaar (en betaal) is, stuur ek die oorspronklike ontwerpe.
Oor webtuiste-ontwikkeling
Let wel: Ek doen nie meer webontwerp nie.
My kliënte
My tipiese kliënte is klein maatskappye of individue, al hét ek al groot korporasies as kliënte gehad het - in laasgenoemde geval, is dit gewoonlik werk wat vir streek-spesifieke afdelings gedoen word.
Ek verstaan wat dit beteken om van nuuts af te begin, so ek stel goedkoper opsies aan voornemende kliënte voor wanneer hulle nog nie die ideale begroting het nie, selfs al beteken dit soms dat ek niks werk by hulle kry nie - ek was op 'n stadium self daar gewees.
Ek het (nog) nie superpowers nie. Alhoewel ek ál die dienste wat bo genoem word, self doen, is daar ander dienste wat ek aan ander, betroubare diensverskaffers uitkontrakteer. My kliënte is natuurlik altyd welkom om hulle eie diensverskaffers te gebruik.
Visitekaartjies en briefhoofde as selfstandige dienste
Al is my tariewe baie redelik, bespreek ek openhartig goedkoper opsies met voornemende kliënte wat platsak is.
Hier's 'n voorbeeld: Gewoonlik ontwerp ek nie visitekaartjies as 'n selfstandigejob nie, tensy die kliënt bereid is om R1 000+ uitsluitende drukkerskoste te betaal vir iets spesiaals of ongewoons.
Ek ding nie mee met direkte drukwinkels ("instant print shops") soos Quickprint nie. Hulle's ideaal vir vre- goedkoop, vinnige maar generiese visitekaartjies, en hulle sal waarskynlik vir jou 500 kaartjies ontwerp en druk vir slegs R500.
